En 2014 comeza a sua andaina Officina Utricularii, un proxecto artístico-educativo creado e coordinado por Paulo P. coa colaboración e apoio inestimable da Fundación Vicente Risco. Foi creada co obxectivo de consolidar un punto de ensino e estudo de carácter claramente vangardista da gaita en Galicia e coa finalidade de contribuír á formación integral dos gaiteiros, nos aspectos técnicos, interpretativos, histórico-estilísticos, etc. ., e á interacción, intercambio de coñecementos e convivencia, entre as persoas na práctica da dimensión máis refinada do instrumento.
A programación consta de varios seminarios que inclue concertos didácticos do alumnado.