LETRAS GALEGAS 2009

Vicente Risco:

Antón Risco:

Fondo Fundación Vicente Risco

Fundación Vicente Risco

Rúa San Lorenzo, 3

C.P.: 32660

Allariz (Ourense)

secretaria @ fundacionvicenterisco.com

Novas

_blog

_volver

FVR - 17-Maio-2009 - 23:12:00

Co gallo das Letras Galegas, presentamos catro breves contos da autoría de don Vicente Risco. Narracións de orixe diferente e que, pensamos, reflicten os diversos ámbitos de traballo e preocupación intelectual de don Vicente: recolla das tradicións populares (O lobo da xente e A trabe de Ouro e Atrabe de alquitrán), da adaptación de relatos doutros pobos (A velliña vella, reinterpretación do folk-drama irlandés Cathleen in Houlihan ) ou creación do propio don Vicente (Meixelas de Rosa) Contos todos eles coñecidos, clásicos poderiamos afirmar, mais que non por iso perden a súa frescura inicial. Relatos que forman parte do noso patrimonio cultural, ao que autor ourensán tanto contibuiu ao longo da súa vida.
Tanto a capa do libro, como as ilustracións interiores que preceden a cada un dos contos, son autoría de Vicente Risco. Faceta, a de debuxante, menos coñecida do pensador e polígrafo ourensán que no noso entender supón un valor engadido a esta modesta edición non venal.
Esta iniciativa que partiu do Padroado da Fundación Vicente Risco, pode ser realidade grazas ao xeneroso apoio do Centro Comercial Aberto e da Agrupación de Libreiros de Ourense, que sumado ao apoio do concellos de Alariz e Castro Caldelas, permiten distribuír ao longo do mes de maio os 10.000 exemplares da presente edición entre os clientes dos centros asociados. Un esforzo, fundamentalmente no que respecta á distribución e consecuente divulgación da obra de don Vciente, que a Fundación Vicente Risco por si soa nunca sería capaz de acadar. Motivo polo que o noso agradecemento é aínda maior, toda vez que un dos nosos fins fundacionais é a divulgación da súa obra. Que neste labor, alén das alianzas dos concellos cos que estivo vencellado ao longo da súa vida, poidamos contar coa complicidade de dúas institucións civís da cidade coa que tanto se identificou don Vicente, é unha inmesa ledicia polo que supón de recoñecemento para a súa persoa en particular, e para a cultura galega en xeral.
É o noso desexo de que este sexa o primeiro paso doutros que, con certeza, daremos xuntos para divulgar a cultura galega e a obra dun personaxe tan complexo e ricaz como é don Vicente Risco.